املا کی غلطیاں

[سیف]

میں ابھی رجسٹر ہوا ہوں اس فورم کے بارے میں زیادہ معلومات نہیں ہیں لیکن رجسٹر ہونے کے دوران میں نے جو محسوس کیا ہے اس پر ایک آدھ بات کروں گا۔
رجسٹر ہونے کے دوران ایک جملہ نظر آیا جو شاید اس طرح تھا
آپ کی درج کردہ معلومات سہی نہیں ہیں سہی درج کریں

آپ کی توجہ جملے میں موجود لفظ “سہی“ کی طرف مبذول کرانا چاہوں گا یہ لفظ “صحیح“ ہونا چاہئے نہ کہ “سہی“۔ امید ہے کہ اسے پہلی فرصت میں درست کر دیا جائے گا

کامیابی سے رجسٹر ہونے کے بعد ملنے والے پیغام میں میرا لاگ ان نام نیا آدمی کا آخری حرف ی پیغام کے اگلے حرف کے ساتھ جڑ گیا تھا اور کچھ اس طرح پڑھا گیا آدمیکو یا شاید کوئی دوسرا لفظ تھا بہر حال دونوں جڑ گے تھے۔ اس خرابی Bug کو بھی دور کر دیں۔

---

اسی طرح ذاتی پیغام والے حصے میں ایک بٹن پر جملہ ہے “پیغام ارصال کریں“ اس میں ارصال کی جگہ “ارسال“ ہونا چاہیے۔

---

[راشد احمد]

شکریہ نیا آدمی

آپ نے بڑی مفید معلومات دی ہیں ہمیں. ہم اسے پہلی ہی فرصت میں درست کردیتے ہیں.

اگر آپ کو مزید کوئی غلطی ملے تو ہمیں ضرور بتائیے تاکہ ہم اسے دورکردیں.

ایک بار پھر شکریہ

[سیف]

ذاتی پیغامات والے حصے میں بالکل آخر میں ایک لائن اس طرح ہے
پیغام پڑھے جانے کی اطلاعپیغام وصول کریں جب یہ پیغام پڑھا جا چکے
اسے درست کر کے یوں کیا جا سکتا ہے (صرف ایک سپیس کی غلطی ہے)
پیغام پڑھے جانے کی اطلاع پیغام وصول کریں جب یہ پیغام پڑھا جا چکے
یا
پیغام پڑھ لئے جانے کی اطلاع وصول کریں۔

[راشد احمد]

بہت شکریہ نیا آدمی اسے درست کرتا ہوں

[سیف]

راشد بھائی تجاویز والے صفحے پر میں نے گزشتہ پوسٹ پر جانے کے لیے بٹن دبایا تو مجھے یہ پیغام ملا۔

یہاں ‌کوئی موضوعات نہیں ہیں‌جو کہ آپ کی پچھی آمد کے بعد پرانے ہوں

اس میں “پچھی“ کی جگہ “پچھلی“ لفظ ہونا چاہئے۔

آپ کی حوصلہ افزائی کا بے حد شکریہ۔

[راشد احمد]

میں ابھی درست کرتاہوں

شکریہ

[سیف]

راشد بھائی تجاویز والے صفحے پر میں نے گزشتہ پوسٹ پر جانے کے لیے بٹن دبایا تو مجھے یہ پیغام ملا۔

یہاں ‌کوئی موضوعات نہیں ہیں‌جو کہ آپ کی پچھی آمد کے بعد پرانے ہوں

اس میں “پچھی“ کی جگہ “پچھلی“ لفظ ہونا چاہئے۔

ویسے اگر جملے کو یوں کر دیا جائے تو مناسب ہو گا
آپ کی پچھلی آمد کے بعد سے یہاں کوئی نیا موضوع شامل نہیں ہوا

آپ کی حوصلہ افزائی کا بے حد شکریہ۔

[سیف]

آج آپ کے ہوم پیج پر غور کیا تو نیچے یہ جملہ لکھا نظر آیا

اس ویب سائٹ کے تمام جملہ حقوق اردو انسٹیٹوٹ ڈاٹ کام کے پاس محفوظ ہیں.

تما م حقوق یا جملہ حقوق کا ایک ہی مطلب ہے یا تو تمام حقوق ہونا چاہیئے یا پھر جملہ حقوق

اسی طرح “۔۔۔۔کے پاس محفوظ ہیں“ والا حصہ یہ ظاہر کرتا ہے کہ کوئی مرئی یعنی ٹھوس مادی وجود رکھنے والی چیز محفوظ ہے۔ جبکہ حقوق کا کوئی مادی وجود نہیں ہوتا۔

اس جملے میں انسٹی ٹیوٹ (یا انسٹیٹیوٹ) کے ہجے بھی غلط ہیں

نیچے ایک جملہ درج کر رہا ہوں اچھا لگےتو موجودہ جملے کی جگہ لگا دیں۔

اس ویب سائٹ کے جملہ حقوق بحق “اردو انسٹی ٹیوٹ ڈاٹ کام“ محفوظ ہیں

یا

اس ویب سائٹ کے جملہ حقوق کاپی رائٹ ایکٹ کے تحت بحق “اردو انسٹی ٹیوٹ ڈاٹ کام“ محفوظ ہیں