تحفظ چاہیے توہارڈ ڈرائیو توڑدو

[راشد احمد]

ایک تحقیق کے مطابق پرانی کمپیوٹر ہارڈ ڈرائیوز پر موجود ڈیٹا کو جعلسازوں اور ہیکرز سے محفوظ رکھنے کا سب سے محفوظ طریقہ یہ ہے کہ ہارڈ ڈرائیو کو توڑ کر اسے ناقابلِ استعمال بنا دیا جائے۔

تحقیق کے مطابق جعلساز اور مجرم انرنیٹ پر ہونے والی نیلامیوں اور کچرا دانوں سے پرانے کمپیوٹر حاصل کرتے ہیں اور پھر آسانی سے دستیاب سافٹ ویئرز کی مدد سے ان پر موجود مواد اور معلومات حاصل کر لیتے ہیں۔

کمپیوٹر جریدے ’وچ‘ نے یہ ثابت کرنے کے لیے کہ یہ عمل کتنا آسان ہے’ای بے‘ سے آٹھ کمپیوٹر خرید کر ان پر سے ’ڈیلیٹ‘ کی جانے والی بائیس ہزار فائلیں دوبارہ حاصل کیں۔

جریدے کے مطابق اس سے بچاؤ کا واحد طریقہ ’مکمل تباہی‘ ہے۔ جریدے کی مدیر سارہ کڈنر کے مطابق لوگوں کے ذاتی کمپیوٹر سوشل نیٹ ورکنگ سائٹس کے استعمال اور ڈیجیٹل تصاویر کی وجہ سے ان کی ذاتی معلومات کا خزانہ ہوتے ہیں اور آن لائن شاپنگ کے بڑھتے رجحان کی وجہ سے عام لوگوں کی کاروباری معلومات بھی اب قریباً ہر کمپیوٹر پر موجود ہوتی ہیں۔

سارہ کا کہنا ہے کہ اس قسم کی معلومات شناخت چوروں کے لیے بہترین تحفہ ثابت ہوتی ہیں۔ انہوں نے کہا کہ ’اگرچہ یہ انتہائی اقدام لگتا ہے لیکن سو فیصد محفوظ ہونے کا واحد طریقہ یہی ہے کہ آپ اپنی ہارڈ ڈرائیو کے ٹکڑے ٹکڑے کر دیں‘۔

بشکریہ بی بی سی اردو ڈاٹ کام

[ShahidShahnawaz]

میں نے ایک Data Recoveryکے لیبل والی سی ڈی خریدی تھی جس میں ایسے ڈھیر سارے سافٹ ویئرز تھےجو ڈیلیٹ کی جانے والی فائلوں کو واپس لے آتے تھے۔۔۔۔

ہارڈ ڈسک فارمیٹ بھی کردو، تب بھی ڈیٹا واپس آسکتا ہے۔۔ اس سے بچنے کا کوئی حل نہیں۔۔ہارڈ ڈسک توڑنا واقعی ضروری ہے۔۔۔۔

[سیف]

میں نے کہیں پڑھا تھا کہ KillDisk نام کا ایک سافٹ وئر ہارڈ ڈسک پر موجود ڈیٹا کو بالکل صاف کر دیتا ہے اگر کسی نے آزمایا ہو تو وہ بہتر بتا سکتا ہے۔

ایک اور آپشن یہ ہے کہ نارٹن کا DiskEdit نام کا ایک سافٹ وئر ہے اس کی مدد سے پہلے چند سیکٹرز پر 000000 ڈیٹا کی بورڈ سے لکھ لیں اور پھر اسے ساری ہارڈ ڈسک پر کاپی پیسٹ کر دیں۔ میں نے ایک مرتبہ یہ طریقہ آزمایا تھا۔ ایک وائرس تھا جو فارمیٹ کرنے اور پارٹیشن دوبارہ کرنے کے باوجود آرہا تھا اور ہارڈ ڈسک کے سیکٹرز کو بار بار اور مسلسل بیڈ بناتا جا رہا تھا۔ کئی مرتبہ کی کوششوں کے باوجود بھی اس سے جان نہیں چھوٹی تو میں نے ڈسک ایڈیٹ کی مدد سے یہی عمل کیا یعنی ساری ڈسک پر صفر صفر ڈیٹا کاپی کر دیا۔ اس طرح اس وائرس سے جان چھوٹی۔

اگر کسی بھائی کے تجربے میں کوئی اور طریقہ بھی آیا ہو تو شیئر کرے تاکہ لوگ اس پر عمل کر کے اپنا ذاتی ڈیٹا صاف کر سکیں اور ان کا ذاتی ڈیٹا دوسروں کے ہاتھ نہ لگنے پائے۔

[راشد احمد]

شکریہ سیف بھائی
مجھے اس بارے زیادہ علم نہیں ہے
میں اس بارے زیادہ نہیں جانتا لیکن اس پر تحقیق کرتا ہوں.

[mirzayasir4]

ڈیٹا کو ضائع کرنے کا ایک اور طریقہ بھی ہے
سی کلینر سافٹ ویر ڈاونلوڈ کریں اور
Wipe Free Disk Space
کا آپسن آن کر کے اپنا کمپدوٹر کلین کر دیں
یہ ساری ہارڈ ڈیسک پر ڈیٹا لکھ کر پھر اسے مٹا دے گا
ربط یہ ہے
http://www.ccleaner.com

[زیدی]

شکریہ مرزا یاسر

[فرحان شہزاد]

جہاں تک میں جانتا ہوں ایسا کوئی سافٹوئیر نہیں ہے کہ جو مکمل سے ہارڈ ڈسک کو خالی کردے..... اور یہ حقیقت بھی ہے