بھارت میں سستے ترین لیپ ٹاپ

[راشد احمد]

ھارت نے ایسے کمپیوٹر بنانے کا منصوبہ بنایا ہے جو بہت کم قیمت ہونگے تاکہ طلبہ میں کمپیوٹر کے استعمال کو مقبول بنایا جا سکے۔

کمپیوٹر بنانے کا یہ منصوبہ بھارت کی اس وسیع تر قومی حکمتِ عملی کا حصہ ہے جس کا مقصد جدید ٹیکنالوجی کے استعمال کو رواج دینا ہے۔

اگرچہ ابھی اس منصوبے کی بہت کم تفصیلات جاری کی گئی ہیں لیکن بتایا گیا ہے کہ یہ کمپیوٹر وائرلیس ہو گا اور اس کی آن بورڈ میموری 2GB ہوگی۔ جب کہ اس کی قیمت دس سے سو ڈالر کے درمیان ہو گی۔

کم قیمت کمپیوٹر سازی کے منصوبے میں دوسرے کمپیوٹر ساز ادارے بھارت کے حریف ہونگے اور ان میں انٹیل بھی شامل ہے۔

اطلاعات اور ابلاغ کے ذریعے تعلیم کی ترقی کے لیے بھارت کے عزائم میں کمپیوٹر سازی کے اس منصوبے کو مرکزی حیثیت حاصل ہو گی۔

اس منصوبے کے تحت ای بُکس یعنی برقی کتابوں اور برقی جرائد اور ترجمے کے ذرائع کو بھی ترقی دی جائے گی اور تعلیمی نیٹ ورک کو مزید بہتر اور وسیع تر بنایا جائے گا۔

شروع میں کہا گیا تھا کہ کم قیمت کمپیوٹر کی پانچ سو سے پانچ ہزار روپے کے درمیان ہوں گے تاہم بعد میں کھلا کہ یہ ناقص ترجمے کی غلطی تھی اور کم سے کم قیمت ایک سو ڈالر تک ہو گی۔

اس سے پہلے ایک او لیپ ٹاپ بنانے والوں نے بھی اعلان کیا تھا کہ وہ ایک ایسا لیپ ٹاپ بنا رہے ہیں جس کی قیمت سو ڈالر تک ہو گی لیکن تیاری کی آخری مرحلے تک اس قیمت ایک سو اسی ڈالر تک جا پہنچی۔

کم قیمت بھارتی لیپ ٹاپ کمپیوٹر سازی کے منصوبے پر انڈین انسٹیٹیوٹ آف سائنس بنگلور اور انڈین انسٹیٹیوٹ آف ٹیکنالوجی مدراس کام کر رہے ہیں۔

اگر بھارت مجوزہ کمپیوٹروں کی قیمت سو ڈالر تک رکھنے میں کامیاب ہو گیا تو اسے کمپیوٹر بنانے والے دوسرے اداروں پر برتری حاصل ہو جائے گی۔

بشکریہ بی بی سی اردو

[attari_sialkot]

یہ تو انڈیا کا ہوا ناں بھائی پر پاکستان کے لئے بھی کوئی ایسی فرم کمپنی یا ادارہ نہیں ہے جو ہم پاکستانیوں کے لئے یہ سب کرے یا نہیں